*شوق اللقاء*
مين يقولي
لما يبقى وحشنى صوته
أنا أعمل أيه
كل لحظة نفسي أطمن عليه
النبض زاد م الشوق إليه
ياناس قولولي جرالي أيه
صدفة كانت من غير ميعاد
والسبب براءة عنية
سبقني قلبي لقيت ساعتها إيدي بين إيديه
حسيت بحاجة الله عليه
حنان إيديه سرقني من سحر عنيه
هز قلبي الشوق نداني
حسيت إني م الهوا بغير عليه
من مرة صدفة لاتلموني
لوموا قلبي أنا ذنبي إيه
سألت قلبي ليه كدا
وإزاي وليه
جاوبني يومها بنبض زايد
كل اللي عندي ملك ليه
طاب أعمل ايه ؟
طاب هو قلبي إلى إنكوى
اللي كواه بيحس بيه؟
نفسي ياناس أكلمه
وكل لحظة أنده عليه
بس خايف لما أنده
يسرقني صوتة
أصل صوتة كل الحنان موهوب إليه
ومن حنانه نبض قلبي ما يجارية
قلبى طاب للقاء
نفسي يداوية
ساعتها أطلب م القدر
على قلبي يصبر ساعة عليه
أملي عينى من جمالة
ونملى حضنى من حنانة
وبعدها موتى ألاقيه
نبيل عبد الحليم
٢٧/٩/٢٠٢٠
ليست هناك تعليقات:
إرسال تعليق