العتب على مين ياغالى
نفسى أعرف الحقيقة
فى بحر شوقك مين رمانى
الهوا ولا المشيئة
طيف هواك هو اللى جانى
ولا سحر عيون جريئة
حبك حقيقى مش منامى
بين ضلوعى قايد حريقة
إبتدا بورده أدهالى
بعطرها ولونها رقيقة
لمست إيده لما هدانى
وإيدى بين إيديه غريقة
حسيت ساعتها الشوق كوانى
والدموع نزلت بطيئة
قلبى دق بشكل تانى
ألف نبضة فى الدقيقة
إنسرق عمرى ف ثوانى
محترف بأسرع طريقة
عاتبت نفسى ممكن أدارى
وكان معايا مليون طريقة
وكان دا ظنى ممكن أخبى لكنه قلبى قال الحقيقة
كفاك ياقلبى الشوق ضنانى
ساعتها قالي حالف يمين وكاتب وثيقة
أمنت بيه ورضيت بحالى
وإعترفت إنه مشيئة
بقلمى نبيل عبد الحليم
١/١٠/٢٠٢٠
ليست هناك تعليقات:
إرسال تعليق