(محتاج دليل)
بعد ماغيرت حالي
لسه جاي محتاج دليل
شربت منك كأس مراري
وبعدي عنك مستحيل
لما يوقف نبض قلبي
نبض قلبك كان بديل
لسه فيه وقت تخبي
كنت فاكرك نهجت دربي
قولت أصبر يمكن لعلي
في الهوى لساك بخيل
لسه جاي محتاج دليل
ولا جاي تشفي غليل
وقلبي من الأشواق عليل
مش كفاية غيرت حالي
مش كفاية شغلت بالي
مش كفاية على قلبي غالي
مش كفاية في الليل بلالي
وعند طيفك بستكين
قلبي صحيح حبك بسرعة
والساعات هي اللي فارقة
ما الإنتحار بيكون بسرعة
وموته مش محتاج سنين
أوعى تهجر أو تفارق
همس صوتك معايا فارق
في الهوى أنا قلبي غارق
ونهر حبك سلسبيل
في البعاد موتي في بعدك
كسر قلبي محتاج لجبرك
حالي ياريت يدركه علمك
ولسه جاي محتاج دليل
جف من محبرتي حبري
وتم فيك نفاذه صبري
إبقى قابلني عند قبري
وبلاش دموع من العين تسيل
ما دمت لسه محتاج دليل
يبقى موتي هو السبيل
ولا قولي
يبقى أيه هو الدليل
بقلمي
نبيل عبدالحليم
14/11/2020
ليست هناك تعليقات:
إرسال تعليق