* مالك....؟!*
................
مالك كدا مهموم.............؟!
وجايلي حزين كدا ليه.......؟!
ما تقولي إيه جرى..........؟!
وإيه حصلك إيه..............؟!
دموعك ليه سبقاك..........؟!
والأها جوا عنيك.............؟!
خلاص نهيت الحكاية...........
وحلمك ضاع من إيديك.......؟!
طب خلاص يا جدع.............
وبلاش دموع العين.............
عشانك قلبي إتوجع............
ما بلاش حزن وأنين...........
وخلي الدموع جواك..........
قالوا لنا زمان في المثل.....
الجدع ما تبكي عينه دموع....
دموع الجدع...................
تكون جوا الضلوع.............
*بس اللوم برضه عليك.......
ما أنت عارف.................
إنها ما كانتش ليك...........
مشيت حلمك للنهاية.........
ونسيت.......................
إنها مش ماسكة في إيديك
طب تعرف....................
هي كمان زعلانة برضه عليك
بس لا أنت كنت ليها...........
ولا هي كانت ليك..............
والقصة من البداية.............
منهيه قدام عنيك...............
*بس أمانة يا جدع.............
لا هيا يوم وعدتك..............
ولا قالت لك حاجة.............
أنت إللي مشيت سكتك.......
ونسيت كل حاجة..............
نسيت إنها مقسومة...........
لحد تاني غيرك................
بقي هي عشان ضحكتلك.....
تبقى نجماية ليلك.............
*طب خلاص وكفاية...........
أنا عارف إني قاسي.........
في كلامي أه وياك...........
بس أنا عليك خايف...........
تقع من أعلى سماك.........
علي أرض مليانة.............
بحجارة مع أشواك...........
وبلاش دموع كدا.............
بلاش دموع كفاياك...........
مش قلنا الرجالة ما تبكيش
ولا أقولك.....................
تعالى في حضني إبكي......
مش عيب دموعك تجري......
يمكن البكا.....................
يريح أها جواك.................
# كرم ميخائيل
ليست هناك تعليقات:
إرسال تعليق