والله حبك ذنب
اتمني غفرانه
داء وخش القلب
مكنش ده اوانه
اياك تعيب عالحب
وتطلب بعصيانه
والله حبك ذنب
اتمني نسيانه
-----------------
لو كان علي المر
بكرة الشهد هندوقه
ولو علي الجرح
جرح بجرح
يجي الفرح ونشوفه
ننسي مين اللي جرح
وننسي مين فينا اتألم
ونرجع تاني نتعلم
ونتجمل ونتذوق
تجف الدمع في عيونا
ياما لسه هنكمل
ونتحمل
ونرجع تاني بعد التوهة
نتأمل
هو الحزن بيقصر
والا الضحكة بتطول
وهي اوجاعنا دي جديدة
ولا مكتوبة من الاول
قريبة..بعيده
تعيسة ..سعيده
كله في الأخر نصيب
طول عمر احلامنا بسيطه
ولما تحلم تخاف تقول
خير اللهم اجعله خير
تحس احلامك عبيطة
مولود محكوم باحساسك
معدوده
محسوبه انفاسك
ولو دورت جوا كراسك
تلاقي حروف بتتألم
وتلاقي احاسيس بتتكلم
وطول ماالجرح بيطول
هتتعلم
كلاكيت تاني مرة
ياريتني ماحبيتك
ياريتني نسيتك من الاول
احمد عبدالحق
ليست هناك تعليقات:
إرسال تعليق