ظنون
تبعد عني
و مشاعري تهون
ترجع تلومني
لو ما قسيت عليك
ماكنت جيت تعاتبني
لو سعيد ببعادك خليك
كل مره تبعد أعاتبك تجيني
باكي و لِزمن تشتكيني
تقول فيا كلام مش فيا
أنسى عمايلك و أسامحك
و أسألك هاتغيب
تكدبني و بالحنان و الدفا توعدني
أعيش الفرح بأمل وجودك
يمر الليل علينا تنسى وعودك
أفكرك بكلامك
وحضن سلامك
تقولي لوم شهودك
أنا طبعي كده بحب الجنان
ماليش أرض أعيش عليها
ولا سما أفرح تحتيها
خليك أنت في الحنان
خايفه منك ليه معرفش
طب ليه تجرحني و مجرحتكش
مظلومه مني
لا والله ماحصلش عُمري
أنا كمان مظلوم لكن منك
يا فرح أتأخر على عمري
روح الله يسامحك
قلبي مسامحك
جرحك هاسيبه جنب جراح
حاولت بيك أدويها..... وداوتها
لكن قولي جرحك أنت مين يداويه
لانا عايز لجرحك دوا
ولا عايز خلاص وجودك
عيش لوحدك يا رب سعيد
و ابني بينا سدودك
لكن على حُزنك ماتلومنيش....ماتلومنيش
حسن سعيد إبراهيم
نبض..... يكتبه
جمهورية مصر العربيه
حقوق النشر محفوظه
تم التوثيق
ليست هناك تعليقات:
إرسال تعليق