يا خسارة
========
حررت قلبي أنا من هواك
طول عمري وأنا بتمنى رضاك
مطمرش لي ولا شيء وياك
أنا اللي كنت فكراك ملاك
وكل ما في قلبي احتواك
ياما قلبي كان بيلف وراك
كان قلب طير بيطير في سماك
عمال يغني يقول بهواك
فرحان وناسي الدنيا معاك
أنا كل حياتي بحلم بلؤاك
من قد إيه وأنا روحي وياك
بسهر يوماتي وأنا في الشباك
واتاري وأنا ولا فارقة معاك
عديت سنين مخدوعة في هواك
طفيت شموعي وزدت جفاك
بقى هي دي اخرتها معاك
أنا عمر قلبي في يوم ما أذاك
دالعمر راح علشان يلقاك
دانا كنت طول ليلي بستناك
ونجم ليلي نوره من ضياك
وبدعي ربي عشان يرعاك
يا خسارة اللي عملته معاك
يا خسارة القلب إلي هواك
يا خسارة القلب إلي عشانك
نسي أنه قلبي وفتني وجاك
بقلمي
2020 /20/12
:
#ماجدة_البهيدي
:
ليست هناك تعليقات:
إرسال تعليق