قصيدة شعبية تحت عنوان {{لا حبيبي لا}} بقلم الشاعر المصري القدير الأستاذ{{محمود صلاح}}

لا حبيبي لا

عايز حبيب على مزاجه

وقلب واقف على بابه

وهو سعيد وبيغنى 

أنه بيلعب باحبابه 

لابيرحم ولا بيحن 

عايش الدور بجماله 

مافى حنان مافى دلال 

وف قلبه وعيونه غابوا

لا حبيبي لا 

عايزنى حبيب تفصيل 

رهن أمره صبح وليل

وأن خدتني الدنيا ساعة

يا ويل الحب ياويل

لا حبيبي لا  

الحب ما هو نحو وصرف

الحب إحساس ودق قلب

وشوق ولهفة وحنين 

بألف معنى وألف وصف 

الحب مرايا بألف حكاية 

وكتاب ورواية 

من صفر لحد الألف 

لا حبيبي لا 

مش أنا ولا قلبي كمان 

مهما كنا عطاشى حنان

  حتى لو ما منك مثيل 

حتى لو روحي فيك 

لا وألف لا مستحيل 

أعيش هواك

 قص وتفصيل  

محمود صلاح