نِعَمَك يارب
نِعَمَك يارب كتير ما تتحصرش بِعَد
ظاهرة في كل الكون ماليها أبدا حد
حتى النَفَس والهَواَ نِعمة عظيمة بجد
وعنينا بيها النظر ولسان لوقت الرد
وإزاى بنمشي بقدم وبنجرى ولا نِمد
وعظام كتير في الجسد وبينتنى ويتمد
وكل ما في الوجود على قدرتك يشهد
والشكر لو عُمرِنا ما يوفي فضلك رد
أمرك مُطَاع فيكون حتى الجبال تِنهَد
ويكون جميع البشر بالأمر تدخل لحد
يارب تجعل مابينا وما بين عذابك سد
يوم الحساب اللى فيه كل الحقوق تترد
يشملنا نور رحمتك مافي لأمرك رد
سبحانك أنت العظيم والصمد والفرد
محمـد عنانى
ليست هناك تعليقات:
إرسال تعليق