*نفسي *
..............
*نفسي أرسم ليكي دنيا......
فيها ورد بريحة الحنين........
فيها ضحكة حلوة تملى........
القلوب بدل الأنين.............
وفي سماها الجو صافي......
وفي هواها شوق السنين......
*نفسي أكون لك زي نبضك....
ما نفارقش بعض ثانية..........
حبي يسكن جوا قلبك...........
جوا دمك في الخلية.............
وأحيي فيكي كل ضحكة.........
وأنزع الدمعه إللي الجاية........
*نفسي أبقى زي ضلك.........
يعني إنتي تكوني أنا............
وأما يجي الليل أكون لك........
نجمايه حارسة في السما.......
جوا نن العين أضمك.............
وأغطيكي برمشي أنا............
* نفسي أضم الأها منك..........
وأسرق الحزن اللي فيكي........
وأبقي حصنك وأبقي سندك......
وأبقي ضحكه أه ف عنيكي.......
وأما يجي الحزن ياخدك..........
يلقاني واقف صد ليكي..........
*نفسي أعيش ليكي الأمير......
وإنتي ليا السندريلا...............
جوا حبك أكون أسير..............
وألقى فيكي كل دنيا.............
وأنسى فيكي السنين............
إللي ضاعت كل ثانية.............
#كرم ميخائيل
ليست هناك تعليقات:
إرسال تعليق