لكل عاشق قصيدة
وأنا عشقي في الغرام موال
ياأنة شوق وتنهيدة
وياما م اللي حب ماطال
ودمعة عين بتجعيدة
وحظه في حبيبه مال
عانيت كتير لترويضه
وعشق في الهوا طار
هان حبه وتعذيبه
وغنى في العذاب موال
وجاز للقلب تأنيبه
مخدوع في الحبيب لجمال
عشق وف عشقه تكذيبه
والأصل فى الحب الكمال
وجزاه الهجر وتذنيبه
ياريت بنت الأصول تختار
-----
ياشاده الحزام على وسطك
دليني وجاوبي سؤال
مشغولة بوصفك ورسمك
وخايب الرجا يختار
وحاسة في خطاكي ومشيك
ع يقوم ع البسيطه زلزال
وانت ياعم رومانسي
لصاحبة وقار إختار
عشان المراكب ترسي
شطك يكون في أمان
بلاش يكون كدا طبعك
مع كل البنات هيمان
تبيع ضميرك بكدبك
وبكل الغرام ظمأن
جمع البنات ما يكفي
وبايع الضمير عطشان
ومين لغلاك ع يوفي
وكله غرام خسران
إسمع يااخويا لحرفي
بلاش تعيش سكران
للحب مشاعر تدفي
بعيده عن الأخطار
ليه زمانكوا بينفي
دوام وفا وحنان
وكل اللي عارفه أنا وصفي
حب بدون إخلاص
حب بدون إحساس
نهايته مرارة كاس
مش فارقه مشاعر الناس
لنهاية كرامة تنداس
نبيل عبد الحليم
9/1/2021
ليست هناك تعليقات:
إرسال تعليق