* عم شمندل *
..................
عم شمندل.........
حاله متأندل.......
حب زبيدة..........
وداب كدا فيها......
ليل ونهار...........
رايحه وجايه.........
باصص دايما.........
عينه عليها..........
لما تخش...........
الحارة يبلم..........
ويتوه جوا..........
نن عينيها...........
قرر مرة............
يقولها إنه..........
دايب عاشق........
أه كمان ليها........
فجأه مشاعرة......
خطفته منه.........
قام وبيجري........
كمان يناديها.......
قالها................
إسمك إيه...........
يا حورية...........؟
ياللي عيونك........
شمس قويه.........
بتدفيني لما بتظهر..
وتصحي الاحلام.....
كدا فيا..............
*بصت له زبيدة.....
وقالت له............
انت يا عم............
عارفني منين.......؟
قالها شايفك.........
من شهرين...........
رايحه وجايه..........
هنا في الحته.........
زي القمرة............
في عز الليل..........
زي الشمس..........
عيونك قطه...........
أيوا أنا عاشق.........
ليكي خلاص...........
معايا المهر............
كمان والشبكه.........
وهخليكي..............
أميرة وملكة...........
بس توافقي...........
وأجيب الشقه..........
قلتي موافقه ولا إيه.؟
*بصت له...............
وضحكت ضحكايه......
وقالت له...............
أبدا دا محال...........
قام الراجل.............
عيني عليه..............
راح مصدوم............
قوي كدا...............
في الحال..............
من خضته..............
بلم بعينيه..............
ونسى كل.............
كلام إتقال.............
قال لها طب ..........
زعلانه من إيه........
*بصت له تاني..........
وقالت له..............
سألت عليا............
قبل ما تبدأ..........
أي كلام..............؟
قال لها لأ............
قالت له...............
لو كنت سألت.........
كنت عرفت............
إن أنا مدام.............
عندي كمان............
من جوزي عيال.......
*عم شمندل...........
عقله إتشنكل..........
كدا في الحال.........
من ساعتها...........
ساكت خالص.........
ولا فيه كلام..........
كل شويه.............
تجيله كوابيس........
يصحي يقول.........
أبدا دا محال..........
# كرم ميخائيل
ليست هناك تعليقات:
إرسال تعليق