شرد اسولف وشرد اكول
الي عندي ما ينوصف تأويله
الي بيه هموم تصول وتجول
و عملت عمايل شبيه مابيه
اريد احجي هواي عن المنقول
شما يظل من وكت وجبت طاريه
الي بيه حزن يشبه بالكهربا منتول
يشل حيلك والهوى مايجي ليه
على كيفك يالي ما تدري يالمسؤول
احملك ذمة الالام وشما جرى عليه
وانت يالتعرف عذر شمعنى مامريت
ولا حتى سلام العابر ما كلت ليه
شنو معناته هذا يالما تحسون
صدك واحدكم تشوفه يعادل الميه
ولما ينذكر طاري الكرم تبخل عليه
اني الي عرفتك طيب وزين الاوصاف
تالي الوكت هيج شنو الغيرك عليه
شو تعال مو اني اعرف بالوفا زين
لخاطري لا تنسى دير بالك عليه
انت الي بالغيرة الك صدى ومهيوب
غير وجهتك ومر وشوف ما بيه
وحك السما وسبع ارضين مخلوقات
انت الرجا وادري بيك حامي االحميه
رياض النقاء
العراق
٢٩ نيسا ن ٢٠٢١
شهر رمضان
ليست هناك تعليقات:
إرسال تعليق