###الف_رباط###
•••••••••••••••••••••
مكتف روحي بالحيره
عليها ييجي الف رباط
ومتستف شعاع الشمس
ف حضن الليل كما الأغوات
راضي يمّيل الشيلة
ولا يعدل حالنا بعد ما مال
اصعب حالات الفرح
لما بشوف عينيك
بجرح جاية تبوح
بعد الفراق مفروض
اني اكون فرحان
والفرح مش مسموح
واضحك الم ساخر
وتترسم بسمة جوا
الوجع والنوح
ديكور لكن ماتم
والشرخ جوا الروح
عد الندم انسان
فشق براح بوضوح
خطي الجُمل وجعي
وعدي كل حروف
بتحرق مافينا الدم
ولكل ما فينا ظروف
يوم الفرح تأريخ
مكتوب لكن بالذم
يُنسي من التقويم
مولد لصاحب اليَّم
اليَّم كان طارح
علي الفقير كالسم
قالوا هيبنوا السد
لكن ما هيأثر
علي لقمة الغلبان
مكتوبلي اصدقكم
بالكدب يوم مابان
ما املكش غير طاعتي
بعد ما شاخ العمر
ما يهمني نفسي
يهمني ولدي
ابو السنين ريان
احنا خلاص فُتنا
الفرح والاحزان
هما باقي فيهم
براءة الإنسان
قالوا لي خُد نايب
من بيت ابوك قالب
واهو كله بالمجان
روحت قوام وجريت
والقلب داب فتافيت
لما اترسم اسمك
مابين قوسين و الضم
سألت فين نايبي"؟
قالولي راح لبعيد
للي اتقسم بالعدل
عدل الظلام جاير
ومايساوي عبد بسِيد
يا موزعين الارزاق
وليكوا بنساير
ما ينوبنا غير العضم
وتلوكوا ف نسَّاير
يا شيبه رايحة لفين
وليه كسيتي العمر
دا انا لسه ماعرف عين
والغين غيرة وبتُغر
ما ميزت طعم الزاد
الحلو كان او مُر
وقالوا طعمه جميل !؟
ولذيذ بصدقهم !
مالطاعه مبدئهم
ومين يعارضهم
فببصم عليها الحبر
واخاف واموت جدا
ليزعل ولي الأمر
فخليني انا ف الشعر
وهييجي يوم واكتب
قصيدة وبقوه
واحسب وأتحسب
اتعلم الصنعه
وأوزنها وأرتب
الحرف واتغزل
في كل خد جميل
منكم بنات النيل
النبع والتأويل
ينوبني منها التلت
اوصفلكوا حالي
وتلت تحت الصرف
لو انشغل بالي
وتلت للأقصي يسامحني
ع التقصير
وفقر موالي
ولو ما سمحش الظرف
هسايرها وسط السطر
ادام مجالس عرف
قانونها من الوضعي
يدوب كلام تعنيف
او شتمتين او كف
هحاول ابقي ف يوم
جامد بدون العنف
واجالد الصورة
اللي في نن العين
هرفضها مكسورة
واحاول التحسين
من سذاجة جهل
و طيبة لون الطين
وسلامة النية
من النشأه الي التكوين
و في انعكاس صورتي
ما بشوفش غير عبَّلي
وما احلي صلاة الزين
بعد ما شاب بسنين
ناوي هتتغير
ياعم خدلك جنب
مني دوق كاسين
كاس مافات العمر
غرقان في كلاكيعه
وكاس مرفوع بالأمر
ورافض التدوين
والله ما كنت اقصد
اعشق الحلوين
ولا نويت اشرب
من نبعك الصافي
معرفش ليه شفتك
بالقلب قبل العين
معاكي كات توهتي
وجايلك انا حافي
يا بلدي رايحة لفين
وكارهة اوصافي
قوليلي ليه عاشقك
وجروحنا في العناوين
وشايلك علي كتَّافي
مكتوب مواجعنا
منشورة ف الجرانين
وانتي ولا تخافي
✍️ #محمد_فتحي_الشيمي
ليست هناك تعليقات:
إرسال تعليق