******التغريبة الفلسطينية******
يابا خبرني شو صار..بيوم 15 أيار
واحكيلي عن بلدي حكايي..اللي صارت صورة بمرايي
ياأبني شو بدي احكي..الحالي والله بتبكي
قسموها مثل التركي..ما ضل خير ولا بركي
يابا شو عم تقول..هيدا شي مش معقول
صهيوني بأرضي بيجول..وشعبي كلو معلول
يا ابني وبالسبعة وستين..ضاعت كل فلسطين
تهجرنا بالملايين..بمخيمات لاجئين
يابا كيف هيك صار؟؟..وين العرب الأحرار؟؟
رضيوا بالإنكسار..وبينعموا بالإستقرار
يا ابني باعونا بأرخص أثمان..وقتلوا فينا الأنسان
وسالموا العدو كمان..وكباروا وعملولوا شأن..وطبعوا واللي كان كان
يابا بلدنا مجروح..وشعبنا كلوا مذبوح
ما عارف وين بدو يروح..ما في شي عندوا مسموح
يا ابني كل يوم شهيد..وأم ثكلى اكيد
ويتيم عايش وحيد..وألم وحزن بالتأكيد
يابا خبرني شو صار..شو سوا فينا الحصار
وشو عملوا فينا الكفار..بادوا البشر وهدموا الدار
يا ابني شو بدي اقول..غزة بتتوجع عاطول
الصهيوني بأرضي بيجول..وما في عربي مسؤول
يابا وينوا السلام..وغزة ضاعت بالزحام
وصارت مدينة ركام..وين اتباع الإسلام
يا ابني العرب نايمين..والمجازر مش شايفين
والصواريخ مش سامعين..وشعبنا الله بعين
يابا غزة راحت..الأعادي بلدي استاباحت
والأمهات بكيت وناحت..هيك العرب ارتاحت
واليوم حي الجراح..دمروا بالسلاح.. وما تركوا حدا مرتاح..ثورة ثورة شعبية
يا ابني ما سألوا عن فلسطين..ولا اهلها اللاجئين
وبعدهن لألها ناسيين..وما سامعين الأنين
يابا هيدا حرام..دنسوا ارض السلام
وغزة خربوها اللئام..بس قررنا الإنتقام
يا ابني لو مهما جار..عدونا هاد الغدار
لازم يطلع نهار..وتنتصر بلد الثوار
الولد يقول:
يا فلسطين هبي وتنتفضي ..وبالذل ابداً ما ترضي
إنت الشرف وإنتي العرضِ..وعلى جراحك عضي
الأقصى صار دمار..وغزة تحت الحصار
وبلدي بتشعل نار..وينكم يا احرار
فلسطين يا ارض السلام..عار هيدا وحرام
راكضين ورا السلام..ما شبعوا بعد كلام..والتطبيع صار نظام
من الثمان وأربعين(١٩٤٨) مسبية..وعند الأمة منسية
باعونا وباعوا القضية..وشعبي هو الضحية
شو هالعيشة وشو هالحال..بقاؤا والله محال
يا ناس يكفي جدال..فلسطين بترجع بالقتال
لازم نحارب صهيون..ارض بلادي ما بتهون
إنا نسكت هيدا جنون..فلسطين امي الحنون
بدنا فلسطين إلنا..وغير هيك ما بدنا
ولو بنستشهد كلنا..والكون علينا جار
ما بنتنازل عن شبر..من هون ليوم الحشر
بدنا نعيش مثل البشر..وحجارتنا تقدح شرر
بلدنا بلد العزة..من القدس لغزة
بأيادي اشبال فزة..بدنا نعمل هزة
ونعلم كل الكون..بالجهاد اسمى فنون
وكيف الحق بيكون..هو الرمز والهوية
وبدي اقول للعرب..بكفي لهو ولعب
وتوجهوا لألنا عتب..ناسيين إننا بنتعذب
لو لمرة كونوا رجال..وحاربوا العدو الدجال
وأعرفوا السلام إستحال..مع الصهيوني المحتال
وانتوا يا مسلمين..لوين بعدكم رايحين
لمقدساتكم ناسيين..والله كلوا سلف ودين
بكرة الله بيحاسب..اللي اتخلى عن الواجب
واللي بأرضي ما طالب..راح ربنا يعاقب
الوالد يرد على ابنه:
يا ابني عم تحكي الحق..كلوا مسجل ومستحق
وبلدنا الله معها..وما بتخلى عنها
فيها جيل مقاومين..بالأرواح مضحين
اقسمنا الأرض نصون..وبلدي ابداً ما نهون
وبندعي رب العباد ..ترجع ارض الميعاد
هذه القصيدة باللهجة العامية رويت بها التغريبة الفلسطينية وارجو ان اكون وفقت في ذلك
نور الهدى(هدى)
فلسطين
ليست هناك تعليقات:
إرسال تعليق