بقلم ماجدة البهيدي
وحشتك
===========
انطق وقولي واحشتيني
انا عايزة اسمعها بتحيني
صدقني ما مجرد كلمة
دي دم بيجري ف شرايني
وحياة غرامك وحنيني
وحياتك انت يا نور عيني
انا عمري ما نسيتك ثانية
لو حتى روحت وما تجيني
قرب كدة يا ضي عيوني
دي عيوني بعدك خصموني
مش عايزة من الدنيا دي حاجة
غير منك انا أملي عيوني
قرب تعال بين ايدي
اليوم كأنه يوم عيدي
حبك صالحني على الدنيا
وقول وسمعني يا سيدي
أحلف بأيه وتصدقني
أقسم بربي اللي خلقني
من غير ميعاد جمع بنا
انت الوحيد اللي في قلبي
واقولك ايه بس يا عمري
حبك لا بأيدي ولا بأمري
انا اول ما لمحت عيونك
رمشك شدني وخطفني
الله يكون في عون قلبي
بقى كل ده حب في قلبى
انا نفسي اخبيك من الدنيا
واحطك في عيني يا روح قلبي
2021 /21/3
:
#ماجدة_البهيدى
:
ليست هناك تعليقات:
إرسال تعليق