#رجع_الزمن
#كلمات_ايمن_شتا
رجع الزمن خمسين سنة
ورجعنا تاني صغيرين
رجعنا للبيت القديم
لما كنا طيبين
رجع الزمن ولاقيني فين
القاني واقف في البراح
الوقت كان لسة صباح
امي بتخبز للفطار
في فرن طين
اخواتي كانو صغيرين
رجع الزمن خمسين سنه
ورجعنا تاني صغيرين
....
صوتك يا ست اروح لمين
وع الفطار مجتمعين
وابويا راكب ع الحمار
وجمب منه الشيخ امين
بينادينا نقول امين
رجع الزمن خمسين سنة
ورجعنا تاني صغيرين
....
صوت المدافع ضرب نار
أصوات كتيرة وانفجار
يكونش دا يوم القيامة
دي النهاية والدمار
كنا على خط القنال
فالسويس مولودين
رجع الزمن خمسين سنة
ورجعنا تاني صغيرين
....
ابويا قال عدوا القنال
كنا يدوب حبة عيال
امي قالت ربك كريم
جشنا حقق المحال
سجدت بتدعي ربنا
انه يكمل نصرنا
انه يحقق حلمنا
وتعودي سينا لحضننا
ونعيش يا مصر سالمين
رجع الزمن خمسين سنه
ورجعنا تاني صغيرين
...
أيمن شتا
ليست هناك تعليقات:
إرسال تعليق