يجريَّ_إيه؟!
يجريَّ ايه لو اتقابلنا
مصدقين ومتصدقين
من السما
يجري ايه لو خلعنا عن عنينا
نضارة سودا صايبانا بعمي
يجري ايه لوكنت انا الكداب
وانت الصريح
يجري ايه لوكنت كاره
والعكس هوَّ الصحيح
كنت هبنيلك صروحي
وازرع الحب ف حجر
ازيد واعلي ف البنا
لحد ما المس القمر
وانتي بتبيعي القضية
تهدي فيا
من فوقيا ، بدون شعور
ولا ندم ولا حذر
حرب الربيع بين الزهور
وبين خدك بقي مشكلة
وشفت الورد متنطور
علي الطرقات
عرفت ان انتي مريتي
من ييجي ساعات
وعشان مُغيب وعايش
في حبك كما الدراويش
شايف تحت الخطوة
ورد "
وبعد الفوقه( *حشيش* )"نجيلة"
روحي اليكي طالعه
مغصوبة
بزيادة دبح وماتحِشِيش
فسيبي الورد علي حاله
مادام روحي رايحاله
فما تحِفيش
🖊️ #محمد_فتحي_الشيمي
#مصر
#ش👁️👁️
ليست هناك تعليقات:
إرسال تعليق