#هعمل_زار
#كلمات_ايمن_شتا
نادرين عليا لاعمل زار
واجيب كمان كل الحضار
واحضرهم صغار وكبار
عشان اتحل من حبك
.....
هولع يجي مية شمعة
وهبكي عليكي بالدمعة
واقول روحي بلا رجعة
عشان مسكنش يوم قلبك
.....
هزور في الفجر أهل الدار
وهحكيلهم عن الاسرار
وفرق تمر على الحضار
وهعلن توبة من ذنبك
....
وهندر ندر وحياتك
وهنسي كل حكاياتك
وهنسي معاها نظراتك
عشان بضعف قصاد قلبك
....
ونادرين عليا لاعمل زار
واحضرهم صغار وكبار
عشان اتحل من حبك
...
ايمن شتا
ليست هناك تعليقات:
إرسال تعليق