نادى المنادى بالهوى
يامجروحين حينا
كل الجروح ليها دوا
ألا جراح من حبنا
دمعة عيون جمعت
صرخة وجع ساكنه
مابين ضلوع الموجعين
نار الأنين سمعت
قلوب سواد داكنه
تأذى العيون بدمعتين
ياليل ياجريح ياصابر
وصبره يعل.
حبيب القلب مش فاكرك
ومنك مل.
أنينك نار كوت قلبك
وقلوب بكت من قبلنا
ونادى المنادى بالهوى
يامجروحين حينا
كل الجروح ليها دوا
ألا جراح من حبنا
بكيت جراح حالى
شافت مرار عجز الطبيب
شال الهموم شالى
وياما شال قلبى هم الحبيب
ورجع بجراح شايب منها
شبابى ياليل
طبيب الصبر قال عنها
شفاها قليل.
دموع الأه صابت عينى
وكان أخلاصنا ذنبنا
ونادى المنادى بالهوى
يامجروحين حينا
كل الجروح ليها دوا
ألا جراح من حبنا
كلماتى إبراهيم الحداد
ليست هناك تعليقات:
إرسال تعليق