يا خسارة
========
حررت قلبي انا من هواك
طول عمري وانا بتمنى رضاك
مطمرش لي ولا شيء وياك
انا اللي كنت فكراك ملاك
وكل ما في قلبي احتواك
ياما قلبي كان بيلف وراك
كان قلب طير بيطير في سماك
عمال يغني يقول بهواك
فرحان وناسي الدنيا معاك
انا كل حياتي بحلم بلؤاك
من قد ايه وانا روحي وياك
بسهر يوماتي وانا في الشباك
واتاري وانا ولا فارقة معاك
عديت سنين مخدوعة في هواك
طفيت شموعي وزدت جفاك
بقى هي دي اخرتها معاك
أنا عمر قلبي في يوم ما أذاك
دالعمر راح علشان يلقاك
دانا كنت طول ليلي بستناك
ونجم ليلي نوره من ضياك
وبدعي ربي عشان يرعاك
يا خسارة اللى عملته معاك
يا خسارة القلب الي هواك
يا خسارة القلب الي عشانك
نسي انه قلبي وفتني وجاك
بقلمي
2020 /20/12
:
#ماجدة_البهيدي
:
ليست هناك تعليقات:
إرسال تعليق