نزلتك يا بحر الهوى صياد
والصيدة جنية .......
أسمع كلام السحر والأشعار
تشبه غزال ماشي على المية
وصوت ناعم من الأوتار
ولون الفجر بيصلي على خده
ما بلل ضفايرها
غير صلاة الشعر والأمطار
فاتح ع الندى بابه أبيض
عسل نازل على الأزهار
دا أنا جيلك وأنا صياد
والشبك ف ايدي
اتاري شبك رمشه سبق قلبي
رمى عشقه وخلاني أنا محتار
أنا الساحر... أنا المسحور
أنا الممكن بلا أسوار
.......المحمودي
ليست هناك تعليقات:
إرسال تعليق