♡ افيونة حبي ♡
بقلم /عماااد الأبنودي
************
افيونة حبي و إدماني
اااللي ملهاش حدود
و تميمة حظي اللي بيها
بيحللي كل وجووود
غرقان في سحر عينيها
و الشوق يا ويلي هيمان
و أعترف بكامل إرادتي
وصولي لحالة من الجنان
و الأغرب من هذا و تلك
قلبي لغرامها دوماً عطشان
و حالتي ديه مش طبيعيه
و اسألوا عني العرافين
ملبوس شكلي من جنيه
و المدة عشقي لها سنين
هو الهوي مالوش دوا
أصله شاغل بالي و خيالي
اكمني بأتوه و احنا سوا
و أقول بس إيه جرالي
إدمان و توهة و حيرة
لهذا المدعو غرام
و ليالي السهر فيه طويله
و الله عليه يا سلام
و أظن محدش يلوم عليا
ولا يلوم علي العشاق
ما هي الحالة اللي فيا
تشخيصها لهفة و اشتياق
وكأنه القمر نوره بيغيب
لما عيوني ماتشوفهاش
و روحي محتاجه لطيب
و قلبي تقولشي ف الأنعاش
عرفتوا ليه الحب كده
بيلهلهب قلوب العاشقين
و يوماتي بالهم مشغووول
لأجل لمسة من الحنين
بقلم
عماااد الأبنودي
17 /10 /2021
ليست هناك تعليقات:
إرسال تعليق