قصيدة شعبية غنائية تحت عنوان{{ إبكى و نوح}} بقلم الشاعر المصري القدير الأستاذ{{محمد البريمى}}

من وحى الخيال ..

شعر غنائى ..

((( إبكى و نوح )))

إبكى و نوح يا حمام .. ع العمر اللى راح ..

على حبايب م بستهلوش .. كلمه سماح ..

قضيت العمر أحبه .. م عرفنش أوصل لقلبه ..

قولى دا ذنبى ولا ذنبه .. أنا عايزه أنام و أرتاح ..

      إبكى و نوح يا حمام

سهرت عشانه الليل .. أكتبله ف مراسيل ..

و هو مشغول بغيرى .. ونا شايفه العذاب و الويل ..

عشان يحن عليا .. و يحس بالنار اللى بيا ..

و يصالح دموع عنيا .. و يطلع لو مره أصيل ..

      إبكى و نوح يا حمام

بعد م أتمنيت  وده  .. م إتمنتش ف الدنيا غيره ..

نسى وعوده ليا .. و إستكتر عليا  خيره ..

و هو اللى فاضلى .  من ريحة الحبايب ..

هو الحاضر و الغايب .. مافيش قدامى غيره .. 

       إبكى و نوح يا حمام 

إبكى و نوح يا حمام .. العمر كله ..

ع اللى حب ولا طلش .. غير عذاب القلب و ذله ..

إنت الوحيد اللى مجرب ..  ألم الفراق ..

لو كان البكا بيفيد .. كان حنينى لحبيبى وصله ..

        إبكى و نوح يا حمام

بقلم الشاعر الغنائى ..

محمد البريمى ..