قصة عشق
بقلم صالح منصور
كان ليا صديقه
كل يوم بينا كلام
مرة اسمع
مرة تسمع
مرة اشعر بالغرام
مرة همست
بس همس
غير كل الكلام
همسه عتاب
انى قلت كلمه حلوه
لوحدة كانت مجامله
همسه تانى كانت ملامه
لانى قمت بالخيانه
بصيت لوحدة
بصه ولهانه
يومها قامت القيامة
زعلت وبعدت
والنار في قلبى ولعت
هى ليه عمله صديقتى
ونار الغيرة تقول حبيبتى
ما انا ياما غيرت عليها
من اخوها يوم ما مسك ايديها
من جيرانها لما
يشوفو هدومها على حبل الغسيل
من صحابها لما يشوفو غضبها
لما تضحك كان عقلى يطير
بس غيرتى غير غيرتها
غيرتى كانت جوه منى
غيرتها كانت اعاصير
اتصلت ردات عليا
كانها خارجه من ليل طويل
قلت بحبك
قالت ايه
قلت بحبك ومش هغير المصير
ردات عليا يانور عنيا
ما انا عارفه من كتير
عارفه ايه هو انا يوم قلتها
او فى رساله بعتها
قالت فى رسايل كتير
يوم ماتغضب لضحكتى
يوم ما تغير لوقفتى
يوم ما سلمت
بايدى على صحبتى
يعنى كنتِ وخده بالك
كنت منتظره قرارك
قلت بحبك من سنين
قالت بحبك قبلها
هى دى حكاية صديقتى
بقلمى
صالح منصور
ليست هناك تعليقات:
إرسال تعليق