الغياط***
يا لغياط
لحس وزيد لحس الصباط
ديال سيادك ؤ نت حاني
زعما نت صوت الحق
ساعة عدت لِ صْحاب الشكارة
رقاص بهلواني
لقفزة ؤ طيران
ظنيتي راسك لقمان
بعتي راسك يا زيرو
فافهم لمعاني
لحس ؤ زيد لحس
ؤ على الحقيقة عفس ؤ دهس
حاشا تكون وطني
حرطاني هذا م تكون
او خبز فطير أناني
رجال ضحوا ب لغالي ؤ لعزيز
ؤنت للأجندات خدام تحت الدهليز
رميت النضج ؤ عيشتيني فِ دْبيز
تغرير ؤ كذوب ؤ تلاوي
يا لغياط
شاط م شاط
درتي حساب ؤريحتك عطات
بوق هدار خاوي
كراك مول الشكارة
طمستي لحق ؤ زدتيها دسارة
وجه النقرة والدم نصراني
اه يا ناري
لهرناط عارف كلشي
ترامى على الفكر غ بلفرشي
ؤ سد على اهل الهمة ولمتاني
لغياط عاد أبيقور
سخنو دولار ولى موتور
ؤ ل باع راسو ب رخا
م عندو ملة لا نخوة
بعباع عدواني
عجبك لمال ؤ لفياش
دجنوك عدت عشاش
خنت الرسالة ...
فباز ليك م حشمت ؤعايش هاني
عنداك تنسى راك غ صرصار
خنت العشرة عدت مسمار
غدا به تعلق ؤ يلفظك زماني
يا لغياط
فيق ورجع لطريق
راك مريض م عدت تليق
مقامك لحاويات ...
ؤ فيها ترْمى وتعاني
*** الزجال والشاعر: أحمد الكندودي *** المغرب ***
ليست هناك تعليقات:
إرسال تعليق