#لحظةفراق
#كلمات_ايمن_شتا
لحظة فراق.. نزلت دموع زي المطر
والاشتياق.. من قسوته بكى الحجر
راحت خلاص.. واتبدل الكون بعدها
مقدرش اعيش.. من غير ما اسمع حسها
...
كل الحاجات الباقية منها بتناديني
والذكريات حتى الصور ليه ملية عيني
بصرخ واقول ازاي هتمشي وتسبيني
انا قلبي هيموت بعدها..
راحت خلاص..
مقدرش اعيش.
من غير ما اسمع حسها
...
نفس المشاعر والظروف
نفس الوجع بين الحروف
جوا حالة مليها خوف
لحظة وداع
...
الوقت ليه بيمر بينا
والسكات مليان كلام
كل نظرة من عنينا
خايفة ترميلها السلام
واتقطعت بينا المشاعر
واتوزعت بينا الدموع
حتى نور الشمس غايب
وانطفت كل الشموع
لحظة فراق
...
راحت خلاص واتبدل الكون بعدها
مقدرش اعيش من غير ما اسمع حسها
بصرخ واقول
انا قلبي مات من بعدها
لحظة فراق
....
ايمن شتا
ليست هناك تعليقات:
إرسال تعليق