شطحة ف الليل
اسرح بيا الليل
واكثارو اهمومي
واخيال يلوحني لخيال
وما جاتني راحة ولا نوم
واحملت اهبالي
وقطٌعت احبال الوقت
وتحزمت بشريط السهو
والنسيان
وامشيت ابعيييد ابعيد..
واش هذا مكتاب ولا
ولاٌَ زيادة ف اهبالي..؟!
تفقدت لمراسم الخالية
ولقيت راسي نحفر
ف بير خاوي
ما فيه ما
ما فيه ريحت اجْمالي
يا لوتد الطويل
واش شاد الميزان
ولاٌَ اصلك راشي
ما حامل اثْقل
ما حامل خاوي...
صاط الريح ف الليل
وهز الخيمة باوتادها
وطاحت ف الثلث الخالي
الخيط تفرتك
والشمعة اطفات
وشعلات نيران حالي.
هذا كلو واقع
ونا ف ابحور اعوامي انْعوم
وما لقيت جهد ل بالي
نطلب م الله المعبود
هو اللي يرفق ويجبٌَرحالك
وحالي...
المصطفى نجي وردي
المغرب 25\5\2023
ليست هناك تعليقات:
إرسال تعليق