كلمات الشاعر الفنان رزق جادو
مصر .. دمياط
( عيد الأضحى الكبير )
اول سنة يجي عيد الأضحى الكبير
والغلابة مش هايكلوا لحمة كتير
الغلابة مساكين على طول
هايكلوا برضه عدس فول
السبب ارتفاع الأسعار
في الأغنام و العجول
الغلابة مساكين على طول
طول السنة بياكلوا فول
وبتنجان وخضروات
وكل أصناف البقول
والإعلام يطلع يقول
طبق العدس ابو جبة
احلى من مرق العجول
كله ضحك ع العقول
الاسعار بتزيد على طول
حتى العدس حتى الفول
اللي بيحصل مش معقول
فين الرحمة مين مسؤول
الغلابة مساكين على طول
فيه ناس بتاكل اللحمة مرة
في المواسم كل حول
ويقولولك يووووه ياعم
ياما دقت ع الراس طبول
الغلابة هما هما
دول ماينسوش الأصول
اصل دنيتهم بسيطة
هي قد العرض طول
كلمات الشاعر الفنان رزق جادو
مصر .. دمياط
ليست هناك تعليقات:
إرسال تعليق