🐚🐙يابحر موجك سكن وتاه نبضه ليه🐚🦀
يابحر موجك سكن وتاه نبضه ليه.
هو الحنين تاه ولا العشاق بتداريه.
كنت لنبض قلوبهم سكنه ومراسيه.
سكنت ليه ولا تعبت من حديه.
الدنيا غيرت معنى الحب وقطبيه.
وزيف القلوب أصبح المتاح ليواسيه.
مع كل موجه ألم يبقى النكران شاطئيه.
حتى لو جملت قلبك وحاولت تهديه.
ينسوا زمان كان فيه الود نهر جاري ليه.
وينسب له كل حرمان مالوش يد فيه.
نحاول وننسى ونقول بكرة نقسى
يمنعنا الحنين ويأخذنا الأنين ونرسى.
ونقول بكره يتغير ويعرف إن احنا لسه
باقيين على العشره وعشان كده بننسى.
ونحمد ربنا إن ف حضننا لسه مرسى
لقلوب الحبايب ونحاول ونسهى.
عشان ود دايم ونبض بيننا قائم ونسعى
ونحوط على مالينا والشوق والحنين يجينا.
يسري الشرقاوي
ليست هناك تعليقات:
إرسال تعليق