* مصر 🇪🇬 تاااج *
بقلم/ عماد الأبنودي
•••••••••
أيوة حبك واجب علينا
بل بالعكس دين و فرض
و اللي شايفه إنه عيبه
مايستهلش يسكن بالأرض
مصر عمرها مكانت تكيه
للتنابله و الكسلانين
مصر يعني الأيد العفيه
و العمار ليوم الدين
شوفوا العباقرة الكبار
اللي نحتوا صخر التحدي
حبوا وطنهم ليل نهار
و كانت حروفهم دوماً تغني
أجمل مثل للكلام ...
زويل النبغه والسير يعقوب
و فخر العرب يا سلام
كله شايلها جوه القلوب
يللي كاره روح بكرهك
روح كمان كده بغيظك
بلدي الأصل هيا الريادة
و انجازها تملي يغيظك
لو بتحبها خاف عليها
و إحفظ هبيتها و راعيها
عمرك ماتلاقي ... زيها
و لا حتى ريحة أراضيها
قدف مركبك وياها
وصلها يلا بر الأمان
دا الأمان مش براها
أوعى تغلط في الحسبان
مصر تاج و شرف لاولادها
و حبها فوق الجميع
و لو في قانون يجرم ذلك
راح أكون أول القطيع
بقلم
عمااد الأبنودي
5 , 10 , 2023
ليست هناك تعليقات:
إرسال تعليق