حنان الأم
*********( نص عامي)
حط بالك وراك سنين حط بالك
بس ارجع و اكولن اوف هنيالك
شوف امك .. تدلل بيك وشمحلاك
و انت بلا وعي متبسم الحالك
و تغفه من تلولي و ليل يعكب ليل
و بس اعله صدرها النوم يحلالك
مكسورة ظهر تسهر تلاعب بيك
تناغيلك تغار اعليك من حالك
جم نذر بنذزر تنذر عساك تطيب
و لو صابك وجع تدمع وتبرالك
هدم بعد الهدم تغسل ترد و تبوس
و تحط الخضرمه بگصتك وتنخالك
تغنيلك تشمشم بيك و تلاشيك
و لو كلت آه فزت كعدت گبالك
و تگلك ضخر اضمك لو يمرني الظيم
و بس تكبر .... تعبهه يروح من بالك
*******
د. محمد النعماني/ العراق
ليست هناك تعليقات:
إرسال تعليق