((خدر أظلم))
قصيدة شعبية
خدر أظلم غافي كاتلني بحلاته
يالعينك كحل وخدك شحلاتة
يهلّ ليلي اليتيم بعيون حزنانة
وأقلام الرصاص وياي سهرانة
أهديلك فوگ العمر عمرين
ياجمرة جگارة بچفوف سكرانة
من يوم الضگت طعم اشفاك
دارت حيل بيه وماوكفت الگاع
شنو انت وشرد اسولف بيك
يالوكتي وياك يركض بساع
تداوي بضحكتك جروح گلبي
وبعينك موج يهدني وأنا شراع
تلمع عيوني من يمر طاريك
وأحلق مثل طير الما تكضة الگاع
إسمك حرز غافي بصدري لسنين
وحبك طبع بيه وغلب كل الأطباع
حيدر محمد الجبوري
١٤ شباط ٢٠٢٤
https://haw55.blogspot.com/2024/02/blog-post.html
ليست هناك تعليقات:
إرسال تعليق