$ ملكش أصل $
بقلم/عماد الأبنودي
••••••••••••
يللي ملكش أصل ولا جدر
في أصولك ...
طلعت قليل الأصل
و محدش هيلومك
مين يعتب ...؟ عليك وأنت
ندل صحيح م يومك
خسارة فيك العشرة
يا دهب قشرة يللي
ماصنتش العيش و الملح
ولا هو طبعاً هيصونك
أعاتبك ازاي .....!
مادام الأصل ماهوش توبك
مقاسه كبير عليك
أصل الطبع بيخونك
و الخسه و الندالة دول
أحبابك يشبهوا لك
الهجر دايما يعليك
و تملي من لونك
مضروب بيك المثل
تمام الشبه شبه قومك
دي الوطيانه فيك معلمه
و ماشيه مع ذووقك
عملت ليك قيمة
و كنت ياما محبوبك
أتاريك عويل و خسيس
و ملكش حبيب م يومك
يللي ملكش أصل
ولا جدر ف أصولك
،، بقلم ،،
عماااد الأبنودي
15 , 3 , 2024
ليست هناك تعليقات:
إرسال تعليق