امي
بقلم ماجدة البهيدي
*****************
ياللي مهما اقول عليكي
كل حتة فيا ليكي
قلبي عمري ونور عيوني
تحت رجليك وبين ايديكي
امي
طول حياتك عايشة ليا
نعمة والله كتير عليا
ربنا عوضني بيكي
يا احلا وأغلا الناس عليا
امي
في حضنك انتى انا بنسى همي
دمك ده بيجري في دمي
لما بحزن ما لقى غيرك
انتى بس اللي شالية همي
امي
ربنا ما يحرمني منك
ياللي كل ما فيا منك
روحي شكلي ولون ملمحي
ووارثة حتى الطيبة منك
21/3/2024
#ماجدة_البهيدي
ليست هناك تعليقات:
إرسال تعليق