...... ...🌹 أمى 🌹. ........
أمى اللى كان علامها طشاش
كانت مدبره فى لقمة العيش
كيسها كان مشهوور بلإفلاس
وعمرها مقالت يووم مفيش
عاشت على الفطره بإخلاص
وكانت البركه جوواها ياميش
والتدبير فى عيشتها أساس
واللقمه ف إيديها رغيف عيش
بيتها كان دوار خير لكل الناس
وطبليتها عليها الخير مفروش
وحنانها يشفى أى قلب محتاس
وعسل لسانها سكر سنترافيش
وقلبها شفاف بنعمة الإحساس
وكانت للمكسوور جناح وريش
عاشت حياتها فى دنيا ببلاش
وبركه بساطتها كانت تملأ الكيس
عمرها مقالت فى أى يوم معهاش
ولا ملامحها قالت مره معييش
والبركه كانت فى دمها نبراس
ومن بعدها إتسك الباب والشيش
...........................................
......... د. حسن الشوان 🇪🇬 .... .
ليست هناك تعليقات:
إرسال تعليق