....الغيره القاتلة....
بغير عليكي من اسمك
بغير عليكي من رسمك
بغير عليكي من النسمه اللي بتعدي على نفسك
بغير عليكي من الضله اللي بتحميكى من حر شمسك
بغير عليكي من الكلمة اللي بتداريها في همسك
بغير عليكي من الاهات اللي بتشق ضلوع جسمك
بغير عليكي من الكلمة اللي بتكتبيها فى كراسك
بغير عليكي من الجمله اللي بتجمعيها في راسك
بغير عليكي من الغطا اللي بيدفيكي في ليل الشتا القاسي
بغير عليكي من الخطوة اللي بتمشيها مابين ناسك
بغير عليكي من المشوار من التيار من الأزهار من الانوار
بغير عليكي من هواء شهيقك اللي بنخديه بأنفاسك
بغير عليكي من قلبك اللي في قفص صدرك
بغير عليكي من الضحكة من البسمة من الفرحه فى احساسك
بغير عليكي من نبضك من قلبك ودقاته
لو كان حنين ولا كان قاسي
بغير عليكي من اهلك وجيرانك ومن ناسك
بغير عليكي من اصحابك واحبابك وحراسك
بغير عليكي من اى حاجه انتي فاكراها وناكراها وانا ناسي
مصطفى عبد النبى
ليست هناك تعليقات:
إرسال تعليق