$ لو كنت حبيبها $
بقلم /عماد الأبنودي ***************
لما هيه حبيبتك ونور عيونك
و عشقك و فرحك و جنونك
و م غيرها مايحلاش أبداً كونك
تيجي عليها و تطفيها ليه
بلاش غدرك و بلاش أنانية
و أسلوب السلطة الدكتاتورية
لو كنت حبيبها الميه ميه
تفرح قلبها و تهنيئه
جزاء حبها مايكونش عذاب
و بعاد و هجر بدون أسباب
و ليالي طوال في الغياب
دا اللي يحب قلب يلاغيه
إعرف تملي كده و اتاكد
إن الحب طريقه محدد
ياما يزيد كده و يتجدد
يالا بغلاوتك إحتويه
متخسرش يوم حد حبك
و باع الغالي لاجل قربك
يا بختك لو كان الحب بصفك
تقدر ع العالم و مافيه
،، بقلم ،،
عماااد الأبنودي
28 , 7 , 2024
ليست هناك تعليقات:
إرسال تعليق