قصيدة شعبية تحت عنوان{{ماكنش حب}} بقلم الشاعر المصري القدير الأستاذ{{محمد رمضان عبدالسلام}}

ماكنش حب.... 

ده ماكنش حب.... 

ده وهم كبير 

قلبك ده ايه... 

ده مات فيه الضمير

كل كلامك كدب... 

وبتعملي م الشوك حرير 

دموعك دي ايه... 

في لحظه تسيل بالغمر 

وانا اللي فيكي دايب... 

وقولت دي عوض العمر 

وانا المخدوع ولا داري... 

وكأن حبك بحور من خمر

سكران والدنيا فيا تهز... 

واكتبلك قصايد من الشعر 

وجرحي ينزف ولا حاسس... 

إنك سلاح واترشق في الضهر 

فرحه يوم وماتدوم.... 

والحزني ملازمني باقي الشهر

حلم مغشوش وانا عيشته... 

واتاريني غريق في نهر المر 

وواخده القلب علي كيفيك... 

وانا اعجن ايامي بماية صبر

وصحيت علي وجعي... 

بس ياخساره كان فات العمر 

ماكنش حبك ده حب 

ده وهم كبير واكبر ذنب 

.... ماكنش حب......  

بقلمي محمد رمضان عبدالسلام 

3/7/2024