بقلمي
عمري فيوم ما كنت ناسي
أهلي و ناسي
والفضل محفوظ لأصحابه
ده شيء أساسي
واللي له جميل
شايله فوق راسي
ودين الخلايق
كاتبه في كراسي
بس عمرنا ما نهاب
إلا كلمة الحق
و إخلاصنا لناس غاليين
ده حب الناس الزينة
مراكب
وقلوبنا ليها مراسي
و صنم الظلم أهده بكلامي
ولو استعصى عليا
يكسره فاسي
وما أقبل العيبة
طول ما في صدري
أنفاسي
اوعاك تعاملني فيوم
بعقلك
وتطالبني
أعاملك بإحساسي
نصر شعبان
شاعر بالفصحى و العامية
عضو رابطة الزجالين و كتاب الأغاني
المركز الرئيسي في القاهرة
ليست هناك تعليقات:
إرسال تعليق