قصيدة شعبية تحت عنوان{{بتتسلي بعذاب قلبي}} بقلم الشاعر المصري القدير الأستاذ{{نصر سيد بدر طلحه}}

بتتسلي بعذاب قلبي

عشقتك والهوى فكره

تداعب فكرى وخيالي

وقلت انك امل بكره

وانك انت دايمه لي

وانك ورده بتفتح..

وانك ام لعيالي..

ولما سمعت صوتك قلت

بان انا امي داعيا  لي

   ......    .......

رعيتك ورده وسقيتها..

في حضن حنون محبتها..

وجوه  عيوني..خبيتها..

وقلبي اللي كان بيتي..

في غمضة عين..صبح بيتها..

     ......       .......

اتارى الحلم لما يطول..

بيقلب في الحقيقه..كابوس..

وانا اللي سمعت  ابويا يقول..

بان ابني اتولد  منحوس..

ولما خفت شمسي  تغيب..

واملي في الحياه..بيخيب..

مشيت عز النهار..بفانوس

....       ......

مع الايام...لقيت الدنيا..

بتغيير..في أفعالك. .

بتتباعدي...وبتصدي..وبتهدي

مشاعر..فاكره  دايمه لك 

   ....    ....

انا عارف..باني نهايتي..

ياحبيبتي...علي ايدك..

وهما يدوب تلات ايام..

يروح حزنك...وتنهيدك. .

وحا تقولي ما بين نفسك..

ماهو الميت ابقي منه الحي..

وتتسلي علي شاشتك..

تشوفي اسم مين الجي..

وتتسلي بعذاب قلبه..

ماهي دايره..لابد  تدور..

ويتعب زى في حبه..

يشوف الضلمه..بعد النور..

............. 

بقلم/ نصر سيد بدر طلحه   القاهره

@إشارة