صاحبة عمري
بقلم ماجدة البهيدي
*****************
وماشيه خلاص وسيباني
وقلبي وحيد وبيعاني
يا عشرة عمري وسنيني
يا أكتر واحدة فهماني
يا نصي الحلو التاني
يا شمسي وضلي وأماني
يا دفئي في ليل ماليه البرد
وأيامي إللي وحشاني
و بعدك ايه فاضل تاني
يا فيتاني لحرماني
يا وأخدة كل شيء فيا
وسايبة النار في شرياني
يا صاحبة وأخت وحبيبة
يا أبعد واحدة يا قريبة
معدشي في صحاب بعدك
وأوعي تطولي الغيبة
ومين على الدنيا دي يعني
في حزني وفرحتي يشلني
يطبطب على الجراح وتطيب
ولما أخاف يطمني
هتفضل سكناني الذكرى
وحبك عايشة به لبكره
ولو عديت علينا سنين
مش هنساكي على فكرة
يا أغلى عندي من روحي
يا بلسم ويا دوا جروحي
خلاص ناوية على الفرقة
وسيباني وهتروحي
بألف سلامة يا حياتي
وأوعي تنسي جواباتي
راح أستنى تراسليني
علشان تضحك تاني حياتي
17/1/2025
#ماجدة_البهيدي
ليست هناك تعليقات:
إرسال تعليق