قصيدتي ( مش حسامحه )
اذاي بس اسامحه
لأ مش ممكن اسامحه
خلاص مبقتش أحبه
واتمني ياخده قلبه
أتمني ينسي حبي
ويريحني منه قلبي
من سهاده ومن انينه
من سؤاله ومن حنينه
يريحني من عذابي
من حنيني ومن سهادي
من دموعي ومن اهاتي
ويا ريتني ارد بابي
اخبي دمعي واصون شبابي
خلاص مبقتش أحبه
وكمان نسيته قلبه
من ظلمه ومن قساوته
يا خساره عمر عشته
وأنا بتمني رضاه
اتعذب من هواه
وأنا دايب جنب قلبه
وأنا فاهم إني حبه
مكنتش اعرف اني واهم
وإني مش فاهم حقيقته
إني عايش وهم حبه
وإني ساكن جوا قلبه
سامحني يا قلبي
ظلمتك سنين
سامحني وحاول
تنساه الحنين
استحمل شجونه
ودوب انينه
وقول يا معين
لا تلومني يا قلبي
ولا أنا الومك كمان
خداعه والله طالنا
ونسانا الحنان
بكانا كمان
وضاع منا الأمان
خلاص مبقتش أحبه
وكمان نسيته قلبه
فقنا من خداعه
وعرفناها طباعه
فهمنا حقيقته
خداع هو وعيونه
كداب في كل قوله
غشاش في لون ملامحه
وفإحساسه كمان
خلاص مبقتش أحبه
وكمان مش ناوي اسامحه
لو تسامحه ذكرياتي
مش حسامحه
لو يسامحه
نبض قلبي
مش حسامحه
لو يسامحه
دمع عيني
مش حسامحه
لو صان ودادي
مره واحده
كنت اسامحه
لو قال بحبك
مره واحده
كنت اسامحه
اسامحه اذاي
واذاي اسامحه
مش لما أشوفه
أبقي اسامحه
لما افتكرها ملامحه
أبقي اسامحه
اذاي بس اسامحه
مش حسامحه
* انتهت من فضل الله تعالى قصيدتي ( مش حسامحه ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق