من هواياتي التصوير الفوتوغرافي . احيانا بتعجبني الصورة بقول فيها ردي
1
شباط اليوم محيير
يما باهت يا منور
هالغروب عم يتقلب
بين مشبشب ومختير
2
من روائع الخالق
حتى تنير الخلايق
منورة الأفق بشهابا
بتفرج عن المتضايق
3
هل الغيوم مكوكعة و مسودني
سوادها بيرمي خير ع هالدني
من الضو نهر جاري منورك
منك الخيرات للأرض مكوني
4
اجمل وردة بلون الزهر
مجموعة من احلى زهر
عم تختال بغرورا
خلت وجك متل البدر
5
الشمس عيونا محمرة
عم تغلي متل الجمرة
محاوطها غيم رمادي
كأنه عم يغمرا
6
الليلة حبيت التبديل
و زهوري هي البديل
من روعة مزروعاتي
و ورودي بوقت الاصيل
7
هيدي ورده من ورودي
بتقلك قولي و جودي
عطر لوحاتك فايح
معطر وجودك بوجودي
8
غيم مكدس متل الفحم
منو شاعع طاقة نور
معقولة هيدي جهنم
الهواء فيها عم بثور
**
ملفينا توفيق ابومراد
عضو اتحاد الكتاب اللبناني
لبنان
في 2025/3/6
**
ليست هناك تعليقات:
إرسال تعليق