* قصيدتي ( بعده ليه )
أشعاري وأغنياتي
مغزولة من رموشه
مكتوبه بدق قلبي
منقوعه في نور عينيه
أفكاري بالساعات
بتقولي بعده ليه
أحلامي أمنيات
وتقول دور عليه
وحيرتي وانشغالي
وانيني ودمع عيني
وحنيني ودق قلبي
وكمان سهر الليالي
بيقولي سيبته ليه
ما تقوم دور عليه
قلبي أرق حياتي
وبيسالني يوماتي
يقولي فين حبيبك
متقولي فين نصيبك
لا همه في يوم ودادك
ولا همه في يوم وصالك
وليه قرر يسيبك
وينسي دق قلبك
معقول كان حبيبك
ولا حتى كان نصيبك
ما تقولي بعده ليه
حيرت قلبه ليه
ما قدرت أرد نبضه
وأرد وأقوله إيه
ولما وجعني قلبي
باسالته الكتيره
ولما ذاد حنيني
سهد وأنين وحيره
افتكرت عيون حبيبي
قالتلي حاجات كتيره
ملام وشوق وغيره
ساعتها الشوق غلبني
الندم سهمه صابني
نزلت دموعها عيني
والصبر يومها سابني
لما طيفه جاه في بالي
وخدني تاني لذكرياتي
رجعني تاني لامنياتي
اتخيلت لون عيونه
وسمعت دق قلبه
وكأنه بيناديني
وكانت دعوه حلوه
تقولي قوم ناجيني
حسيته نبض قلبي
طاير في العلالي
يقولي شوف حبيبك
روحله وقوله فينك
سامحني بلاش تغير
والله حبك شيء كبير
أنت وحدك حبيب حياتي
أنت يومي وذكرياتي
بكره نوره من عيونك
بعده كله برضه كونك
حبيب وغالي ما تتنسيش
قوم تعالي في حضني عيش
* انتهت من فضل الله تعالى قصيدتي ( بعده ليه ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق