بقلم ماجدة البهيدي
خلخالي
==========
رنة خلخالي يانا ياما رنة خلخالي
يسمعها حبيبي يطير عقله وانا ولا على بالي
وفي حالي يا ناس انا كدة ماشية شال طرف شالي
وقالي بشويش كده ع قلبي ليدوب يا غزالي
بعدين وياك يا جدع انت مالك ومالي
ابعد ده عيونك خطفوني ونستني حالي
لا انا قد الهوى ولا تعذيبه وسهر الليالي
وحياتك حوش رمشك عني ده شغلي بالي
قالي ما تخافي و ضميني في قلبك تعالي
والله يا عمري انا جيلك وبعمري شاري
وانا ياما والله ما انا عارفه اللي جرالي
الحلو ابو شامة على خده شقلبلي حالي
رنة خلخالي يانا ياما رنة خلخالي
يسمعها حبيبي يطير عقله وانا ولا على بالي
الواد ده عيونة عسلية وشغلي بالي
من يوم ما لمحته وطار عقلي فوق في العلالي
اه يانا ياما واه يابا كان قلبي خالي
الحلو عيونه شغلوني وهواه رماني
سمحيني ياما راح اقبله وارجعله تاني
من يوم ما ندهني وانا قلبي راحله وما جالي
اه يانا من حبه واه يانا اه يانا ياني
واعمل ايه بس انا في قلبى اهو راح و ما جاني
2021 /24/3
:
#ماجدة_البهيدى
:
