أنا كل دُول
(أنا كل دُول)
انا إللي من افراح الحياه
محذوف
انا إللي في بحور الجروح
محدوف
انا الآهه إللى ساكنه لحنها
المعزوف
انا إللي من فم الزمن
متفوف
انا الباكي وحقى في الحياه
مسفوف
انا منافق أنا مرائى اناوشي م الحيا
مكشوف
انامرتشي أنا مراشى اناإللي ماعنت
عفوف
انا إللي كرشى هينفجر وغيري من
جوعه منحوف
انا باحبى على اللؤمه ولا لاقى قلب
عطوف
أنا إللي بالجلد بأمر وواكل في غدايّا
خروف
انا إللي حاكر السلع وباكسب من
وراها ألوف
انا الغريب اللي في مرار البعاد
بيطوف
أنا الآمن في بلادى وجارى بالدمار
مقصوف
انا طماع أنا انانى على حالى
وبس رؤوف
انااللى سجنى في نفس أنا اللي
أسيرنى الخوف
انا اللي اسمى في الوطن لكني مش
معروف
أنا اللي لون بشرتي من القلق
مخطوف
انا اللي باجري بحلمي لكن الخطى
موقوف
أنا اللي ف طريق منيتي بتعارضني
سيوف
انا إللي دمى بينزف ومرمى مش
مسعوف
انا إللي قلبى اتحرق على ابنى اللى
راح مخطوف
انا القمر إللي صابو ظلام
وخسوف
انا الشمس إللي صبحت ضيها
مكسوف
انا الجريئ أنا الأقوى انا اللي بأه
مضعوف
انا اللي عمرى سبقنى وشكلي بأه
خرشوف
انا اللي راشش الصبر ع الباكي
وع الملهوف
انا إللي باضحك بوشى ومحترق
م الجوف
انا الأطرش انا الأخرس انا اللى مش
بيشوف
انا اللي عاشقك يامصر رغم كل
الظروف
انا ايه ولا ايه انا شوية
حروف
انا مين وللا مين انا اللي مش
موصوف
اناكل دُول ودُول كُلى ومنى
صفوف
انا المنسى انا الملغى من السمع
والشوف
انا إللي عايش لكني في الكفن
ملفوف
(اعتراف)
شاعر الإحساس
(رضا عبد الحميد)
ليست هناك تعليقات:
إرسال تعليق