* ومعاك *
....................
*ومعاك عايز أسافر
وأعدي جوا عينيك
ومعاك عايز أهاجر
للدنيا الحلوة فيك
خبيني جوا حضنك
خليني بس جانبك
علمني إزاي أحبك
وأشتاق أعيش لياليك
*انا عايزك لوحدي
وطمعان ف الحنان
خلي عيونك تاخدني
ويرويني الأمان
ياكل حاجه ليا
يا فرحي ونور عينيا
معاك الدنيا ديا
جنه من السبحان
*لما شمسك بتظهر
بتدفي البرد فيا
وشعاع عينيك بيؤمر
ياخدني لدنيا تانيه
الفرح فيها إنت
ما أحسش أه لأمتى
بنحكي سوا أنا وأنت
معاك اليوم بثانية
*يا ضحكه ف الشفايف
بتعيشني الحياه
ياهمس القلب شايف
حبك غيرني أه
ما أنا كنت قبل حبك
دمعايه قبل منك
بس أول ما شوفتك
قلبي حب الحياة
#كرم ميخائل
ليست هناك تعليقات:
إرسال تعليق