###أنا_المحقوق
"""""""""""""""""""""
عُدت استحي اطالع عيونك
وانا المحقوق وانا الجاني
علي لومتك في يوم
ماجاني سجاني
انا الصامت وانا الساكت
علي حقي
صوتي يرن تحت مني
وكأنه قرش براني
امتا الوطن يتحّق لينا
في المحن واحنا الوطن
ومين يحاسب الزمن
ع السربعه وجري
السنين
ومين يحيي مين يموت
بعد مامات واندفن
ولبس بعيبنا عتمة الكفن
وصبح فقيد للمجرمين
وانا منهم مادام عارف
طريق الحق ولا مشيته
وانا العامل قيمة للقرد
وبالتالي رغما عني حبيته
يشرُط ويتشرط
ويبهدل فينا ويمرمط
وبعلو الصوت وحييته
"""""""""""""""""
هات المدره واكفي القدره
علي فُم النيل
لعنة جيلنا هتجري ورانا
جيل ورا جيل
واشرب مية بحرك المالح
وخزن م السيل
شوف الحزن
جاي يتمختر
علي وجع الليل
عكاز اعرج جاي بيزُك
ف حارة المواويل
مطرب اخرس
ناوي يهبهب
بيا عيني ياليل
وسط الملايين
حتي الطير حابس صوته
علي شباكي وبلدنا عليل
كُل مُحَرم اصبح تمنه يمكن
نكله اقل قليل
واللي احلُّه المولي تعالي
غالي وتمنه بالتقتيل
وشوف الناس المطبوعه
جنب الحيط لامه الفتافيت
ومن امتا الحيط يطرح
نبابيت
مادام وَطيت
مابيطرح الا الشوك ف العين
والضرب فينا بالشلاليت
""""""""""""""""""
انا المنفوض كسجادة
ف بلكونة صاحبها عبيط
ورموش العين زعافة
وقفص صدري
مليان كتاكيت
منتوف الريش علي
لقمة عيش
غموسها القهر والتبكيت
ونهاية البيت انا
طبيت وبقيت شاعر
"""""""""""""""""
واوعي تقول انا مسافر
مادام بالذل إنت رضيت
ذكور بطاقةوما عادش طاقة
وحريم مش فالحة
غير في التصويت
شاعر غلبان نفسي اصارحه
لما بالدمع انا جيت وبكيت
اصعب م الحزن اكيد شرحه
ونخبي القهر ف التنكيت
اكتم احزانك جوا ف بير
وانعي الأوطان اقصد
انسان "
وإدفن حروف وانصب صوان
من الخواطر الي الديوان
مات الكلام من الزعل
ظلم الإنسان لأخوه الإنسان
مفيش عدالة بين بشر
مقلوب مابينا مية ميزان
#محمد_فتحي_الشيمي
#مصر
#ش👁️👁️
ليست هناك تعليقات:
إرسال تعليق