سنه فاتت
والسنه فاتت
زى غيرها مافات
خلاص ماتت
ومات معاها حاجات
لكن سابت
فينا ياناس علامات
بعضها زانت
فوق الشفاه ضحكات
وبعضها بانت
فوق الخدود دمعات
وأثرها كانت
فوق الوشوش ندبات
لكنها فاتت
واللى فضل حكايات
بعضها كانت
بمرار شربنا كاسات
وفيها كانت
فى طعهمها شربات
و ناس صانت
العشره طول سنوات
و الكتير خانت
تعابين دى أو حيات
والسنه فاتت
وباقى لنا الذكريات
محمد عنانى
ليست هناك تعليقات:
إرسال تعليق